Funkcias en Francio tre utila asocio "Scio sen Landlimoj", fondita kaj gvidata de s-ro Jean-Pierre Petit, astrofizikisto, komputilisto, aŭtoro de multaj libroj. La asocio celas disvastigi sciencajn kaj teknikajn konojn en popularscienca nivelo - en formo de interesaj bildostriaj rakontoj.

La rakontojn verkis Jean-Pierre Petit mem, ili estas tradukataj al 38 lingvoj, kaj danke al Roland Platteau kaj Pierre Chibleur ili estas ĝueblaj ankaŭ Esperante!

La bildostriaj rakontoj estas libere kaj senpage elŝuteblaj en la retejo de la asocio - kaj ekde nun ankaŭ en la Scienca kaj Teknika Esperanto-Bibilioteko, STEB. Ĝis nun aperis la sekvaj rakontoj:

- Kaj por kelkaj kromaj amperoj... - eletrotekniko

- Ĉio relativas... - fiziko

- Kaj por kelkaj kromaj amperoj... - fiziko/elektrotekniko

- La Vertebroscopo... - fiziko

- Praeksplodo (Big Bang) - fiziko / astronomio

- La Geometriumo - matematiko

- La Kronologiumo (La tempo) - fiziko

- La Ekonomiumo - direktado de entreprenoj

- La Kosmo kaj ili - fiziko / astronomio

- Informadiko - inĝenierado / komputado

Kondiĉo de elŝuta senpageco estas la nekomerca aplikado, kaj ke la uzanto ne havu ajnan politikan, sektecan aŭ religian karakteron.

Reteja adreso de la franca asocio: http://savoir-sans-frontieres.com

Szilvási László

fonto: L.S. / Ret-Info